«Չելսիի» դարպասը գրավելուց հետո տրիբունաներին միջնամատ ցույց տված Դինին խուսափել է որակազրկումից

09:11   8 փետրվարի, 2018

Անգլիայի ֆուտբոլային ասոցիացիան (FA) «Ուոթֆորդի» ավագ Տրոյ Դինիին չի պատժի Լոնդոնի «Չելսիի» Անգլիայի առաջնության 26-րդ տուրի խաղում տեղի ունեցած միջադեպի համար, գրում է Sky Sports-ը:

Առաջին խաղակեսի վերջնամասում 11 մետրանոց հարվածն անվրեպ իրացնելուց հետո անգլիացի հարձակվողը միջնամատ էր ցույց տվել տրիբունաներին: Նրան սպառնում էր 4-խաղյա որակազրկում:

FA-ն պետք է քննարկեր այդ միջադեպը, սակայն որոշել է չանել դա:

Հիշեցնենք, որ Ուոթֆորդում կայացած խաղում «Չելսին» 30-րդ րոպեից հանդես էր գալիս 10 խաղացողներով եւ պարտություն էր կրել 1:4 հաշվով:

Ֆոտո՝ twitter.com/_BeFoot

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։