Դուայթ Յորք. Հենրիխ Մխիթարյանը հրաշալի կհամապատասխաներ «Արսենալին»
10:24 17 հունվարի, 2018«Մանչեսթեր Յունայթեդի» նախկին հարձակվող Դուայթ Յորքն անդրադարձել է Հայաստանի հավաքականի կիսապաշտպան Հենրիխ Մխիթարյանի հնարավոր տեղափոխությանը Լոնդոնի «Արսենալ»:
«Մի մոռացեք, որ Մխիթարյանը հրաշալի սկսեց մրցաշրջանը: Հետագայում նրա մոտ անկում սկսվեց ինչ-ինչ պատճառներով: Հնարավոր է, որ դա կապված էր մարզավիճակը կորցնելու կամ վստահության պակասի հետ: Սակայն նա հրաշալի կհամապատասխաներ «Արսենալին»: Այն, որ Մխիթարյանը որակյալ խաղացող է, նա դա արդեն ցուցադրել է «Օլդ Տրաֆորդում»: Դա նոր մարտահրավեր է նրա համար, ինչը կարող է որոշիչ դեր խաղալ տեղափոխության հարցում»,- Տրինիդադ եւ Տոբագոյի հավաքականի նախկին ֆուտբոլիստի խոսքը մեջբերում է TalkSport-ը:
Հիշեցնենք, որ Հենրիխ Մխիթարյանի գործակալ Մինո Ռայոլան հաստատել էր լուրերը, որ Հայաստանի հավաքականի ավագը կարող է տեղափոխվել Լոնդոնի «Արսենալ», իսկ չիլիացի հարձակվող Ալեքսիս Սանչեսը՝ հակառակ ուղղությամբ: Իտալացի գործակալի խոսքով՝ հայ կիսապաշտպանը դեռ որոշում չի կայացրել եւ ամեն բան կախված է նրանից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։