Գարի Նեւիլ. Մոուրինյոն ցանկանում է պահպանել Հենրիխ Մխիթարյանի հեղինակությունը
17:10 16 հունվարի, 2018«Մանչեսթեր Յունայթեդի» եւ Անգլիայի հավաքականի նախկին պաշտպան Գարի Նեւիլը կարծիք է հայտնել, որ Հայաստանի հավաքականի կիսապաշտպան Հենրիխ Մխիթարյանին Լոնդոնի «Արսենալի» չիլիացի հարձակվող Ալեքսիս Սանչեսի հետ փոխանակելը լավ տարբերակ լիներ Ժոզե Մոուրինյոյի գլխավորած թիմի համար:
«Այդ գործարքի գլխավոր նշանն այն է, որ Մխիթարյանը չի խաղում: Մոուրինյոն ցանկանում է պահպանել Հենրիխի հեղինակությունը, այդ պատճառով հայտարարում է, որ գնահատում է նրան: Ամեն դեպքում կարծում եմ, որ Մոուրինյոն Մխիթարյանին ուրախությամբ կփոխանակեր Սանչեսի հետ: Յուրաքանչյուրը կվարվեր այդպես»,- «Մանչեսթեր Յունայթեդի» նախկին ավագի խոսքը մեջբերում է Sky Sports-ը:
Հիշեցնենք, որ Հենրիխ Մխիթարյանի գործակալ Մինո Ռայոլան հաստատել էր լուրերը, որ Հայաստանի հավաքականի ավագը կարող է տեղափոխվել Լոնդոնի «Արսենալ», իսկ չիլիացի հարձակվող Ալեքսիս Սանչեսը՝ հակառակ ուղղությամբ: Իտալացի գործակալի խոսքով՝ հայ կիսապաշտպանը դեռ որոշում չի կայացրել եւ ամեն բան կախված է նրանից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։