Աշխարհի նախկին առաջին ռակետ, սերբ Անա Իվանովիչը հրապարակել է լուսանկար, որում գոլֆ է խաղում իր ամուսին, Գերմանիայի հավաքականի, Մյունխենի «Բավարիայի» եւ «Մանչեսթեր Յունայթեդի» նախկին կիսապաշտպան Բաստիան Շվայնշտայգերի հետ:
«Եվս մեկ արեւոտ օր գոլֆի դաշտում իմ սիրելիի հետ»,- Ինստագրամում գրել է նախկին թենիսիստուհին:
Հիշեցնենք, որ նախորդ տարվա նոյեմբերին հայտնի էր դարձել, որ Անա Իվանովիչը երեխայի է սպասում 33-ամյա Շվայնշտայգերից, որը 2017-ից խաղում է ամերիկյան «Չիկագո Ֆայրում»:
2016-ի դեկտեմբերին 30-ամյա Իվանովիչը հայտարարել էր կարիերան ավարտելու մասին: Նա Բաստիան Շվայնշտայգերի հետ ամուսնացել էր 2016-ի ամռանը: Զույգը հանդիպում էր 2014-ից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։