Մադրիդի «Ռեալի» գլխավոր մարզիչ Զինեդին Զիդանը մեկնաբանել է «Նումանսիայի» հետ մարտական ոչ ոքին (2:2) ֆուտբոլի Իսպանիայի գավաթի խաղարկության 1/8 եզրափակիչի պատասխան խաղում:
«Չհաղթեցինք պատասխան խաղում, բայց դուրս եկանք հաջորդ փուլ, ինչն ամենակարեւորն է: Հանդիպեցինք մի թիմի, որն անդադար աշխատում էր եւ ձգտում անցկացնել լավ հանդիպում: Մեզ նույնպես հաջողվեց դա: Արդյունքը օրինաչափ է, քանի որ մրցակիցը պայքարեց մինչեւ վերջ: Ինչ վերաբերում է քննադատությանը, այն չի անհանգստացնում ինձ եւ չի խոչընդոտի իմ աշխատանքին «Ռեալում»,- Զիդանի խոսքը մեջբերում է AS-ը:
Ֆրանսիացի մասնագետը նաեւ պատմել է, որ արդեն Արքայական ակումբի հետ պայմանավորվել է նոր պայմանագրի հարցում:
«Նոր պայմանագիրը նախատեսված կլինի մինչեւ 2020 թվականը: Սակայն ես չեմ կարող նայել 3 տարի առաջ: Նոր պայմանագիրը ոչինչ չի ապահովում»,- ասել է մարզիչը:
Հիշեցնենք, որ «Նումանսիայի» դեմ առաջին խաղում «Ռեալն» արտագնա հաղթանակ էր տարել 3:0 հաշվով, ինչի շնորհիվ դուրս եկավ քառորդ եզրափակիչ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։