Ֆուտբոլի Անգլիական լիգայի գավաթի խաղարկության կիսաեզրափակիչի առաջին խաղում Պրեմյեր լիգայի առաջատար «Մանչեսթեր Սիթին» ընդունեց Չեմպիոնշիփի ներկայացուցիչ «Բրիստոլ Սիթիին»: Կատալոնացի Խոսեպ Գվարդիոլայի գլխավորած թիմը հաղթեց ավելացված ժամանակում արգենտինացի Սերխիո Ագուերոյի խփած գոլի շնորհիվ՝ 2:1:
Պատասխան հանդիպումը հունվարի 23-ին է:
Հիշեցնենք, որ քառորդ եզրափակիչում «Բրիստոլ Սիթին» պայքարից դուրս է թողել «Մանչեսթեր Յունայթեդին»՝ 2:1:
Եզրափակիչի մյուս ուղեգիրը կվիճարկեն Լոնդոնի «Արսենալն» ու «Չելսին», որոնք առաջին հանդիպումը կանցկացնեն հունվարի 10-ին:
Անգլիական լիգայի գավաթ, կիսաեզրափակիչ, առաջին հանդիպում
«Մանչեսթեր Սիթի» - «Բրիստոլ Սիթի»՝ 2:1
Կեւին Դե Բրույնե, 55, Սերխիո Ագուերո, 90+2 - Բոբի Ռիդ, 44, 11մ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։