Արեւմտյան Հայաստանի հավաքականը հավաք է անցկացնում Հարություն Վարդանյանի գլխավորությամբ (ֆոտո)
14:05 5 հունվարի, 2018Ֆուտբոլի Արեւմտյան Հայաստանի հավաքականն այս օրերին հավաք է անցկացնում Ֆրանսիայի հարավում գտնվող Մոն-դե-Մարսանում, հայտնում է ֆեդերացիայի մամուլի ծառայությունը:
Հայկական թիմը մարզվում է Հայաստանի ազգային հավաքականի նախկին ավագ, Գյումրիի «Շիրակի», գերմանական «Ֆորտունայի» (Քյոլն), շվեյցարական «Յանգ Բոյզի», «Սերվետի» եւ «Արաուի» նախկին պաշտպան Հարություն Վարդանյանի գլխավորությամբ: Հունվարի 5-ին Արեւմտյան Հայաստանի հավաքականն ընկերական հանդիպում կանցկացնի ֆրանսիական «Ստադ Մոնտուա» ակումբի հետ:
Հարություն Վարդանյանը վերջին տարիներին բնակվում է Ֆրանսիայում:
Հիշեցնենք, որ Արեւմտյան Հայաստանի հավաքականը մասնակցելու է չճանաչված երկրների աշխարհի առաջնությանը, որը տեղի կունենա 2018-ի հունիսին Լոնդոնում: Հայկական թիմն այդ մրցաշարին մասնակցել էր նաեւ 2016-ին Աբխազիայում, որտեղ գրավել էր 6-րդ տեղը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.