Լեւոն Արոնյան. Այս տարին լավագույններից մեկն էր իմ կարիերայում
11:15 20 դեկտեմբերի, 2017Հայկական շախմատի առաջատար Լեւոն Արոնյանը պատմել է, որ այս տարին լավագույններից մեկն էր իր կարիերայում, սակայն ցանկանում է այն լավ ավարտել արագ եւ կայծակնային շախմատի աշխարհի առաջնություններով: Մրցաշարերը տեղի կունենան դեկտեմբերի 24-31-ը Սաուդյան Արաբիայում:
«Միանշանակ, այս տարին լավագույններից մեկն էր իմ կարիերայում: Շատ գոհ եմ, քանի որ վատ սկսեցի, բայց ավարտեցի միջին, իսկ միջնամասը ստացվեց շատ հաջող: Հիմա ցանկանում եմ լավ վերջակետ դնել արագ եւ կայծակնային շախմատի աշխարհի առաջնություններով:
Հույս ունեմ լավ արդյունքների հասնել հաջոդ տարի, քանի որ ելույթները բավական կայուն էին: Այս տարի նաեւ սկսեցի ընտանեկան կյանք կնոջս հետ, որի հետ հանդիպում էինք վաղուց: Գտա նաեւ որոշ օգտակար մարդկանց, որոնց հետ հիմա համագործակցում եմ: Այդ պատճառով 2018 թվականից սպասելիքներս հաջող են: Կարծում եմ լավ է, երբ ինչ-որ բան տրամաբանորեն տեղափոխվում է մյուս փուլ»,- 35-ամյա գրոսմայստերի խոսքը մեջբերում է «Р-Спорт»-ը:
Հիշեցնենք, որ այս տարի Լեւոն Արոնյանը հաղթել է մի քանի հեղինակավոր մրցաշարերում, ինչպես նաեւ դարձել է աշխարհի գավաթակիր՝ նվաճելով նաեւ աշխարհի չեմպիոնի կոչման հավակնորդների մրցաշարի ուղեգիր: Աշխարհի չեմպիոն Մագնուս Կարլսեին հաջորդ մրցակիցը հայտնի կդառնա 2018-ի մարտին Բելինում կայանալիք մրցաշարում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.