Manchester Evening News. Հենրիխ Մխիթարյանը պետք է հետեւի ակումբակցի օրինակին

Manchester Evening News-ը, վերլուծելով «Մանչեսթեր Յունայթեդի» հայտացուցակից Հենրիխ Մխիթարյանի դուրս մնալու պատճառները, նշել է, թե Հայաստանի հավաքականի կիսապաշտպանը պետք է հետեւի իր ակումբակից, անգլիացի պաշտպան Լյուկ Շոուի օրինակին:

«Այս մրցաշրջանում տպավորիչ մեկնարկից հետո Մխիթարյանը անհույս կորցրեց տեղը ոչ միայն մեկնարկային կազմում, այլեւ «Մանչեսթեր Յունայթեդի» հայտացուցակում: Եվ այս իրավիճակից ելքը չի երեւում:

Միեւնույն ժամանակ, կա Լյուկ Շոուի օրինակը: Տեւական դադարից հետո նա ծանր եւ համառ աշխատանքի շնորհիվ դարձյալ շանս ստացավ եւ կարողացավ Մոուրինյոյին ապացուցել իր կարեւորությունը: Թեեւ, բացառված չէ, որ Մխիթարյանի դեպքում, ամեն ինչ արդեն վճռված է»,- գրում է մանչեսթերյան կայքը:

Իտալական մամուլը գրել էր, որ Մխիթարյանը համաձայնել է կարիերան շարունակել Միլանի «Ինտերում»: