Մոդրիչը՝ աշխարհի ակումբային առաջնության լավագույն ֆուտբոլիստ

10:55   17 դեկտեմբերի, 2017

Մադրիդի «Ռեալի» խորվաթ կիսապաշտպան Լուկա Մոդրիչը ճանաչվել է Աբու Դաբիում կայացած աշխարհի ակումբային առաջնության լավագույն ֆուտբոլիստ, հայտնում է ակումբի կայքը:

Մոդրիչը մասնակցել է ԱՄԷ-ն ներկայացնող «Ալ-Ջազիայի» հետ կիսաեզրափակիչի (2:1) ու բրազիլական «Գրեմիոյի» հետ եզրափակիչի (1:0) ամբողջ խաղերին եւ դարձել մեկ գոլային փոխանցման հեղինակ:

Եզրափակիչ հանդիպման լավագույն ֆուտբոլիստ է ճանաչել «Ռեալի» պորտուգալացի հարձակվող Կրիշտիանու Ռոնալդուն, որը խփել էր «Գրեմիոյի» դեմ խաղի միակ գոլը: Դա Արքայական ակումբի երրորդ տիտղոսն էր աշխարհի ակումբային առաջնությունում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։