«Միլանի» ֆանատները սուլել են Դոնարումային. «Հեռացիր, մեր համբերությունը սպառվեց» (ֆոտո)

«Միլանի» երկրպագուները «Վերոնայի» դեմ Իտալիայի գավաթի խաղարկության 1/8 եզրափակիչի հանդիպման (3:0) նախավարժանքի ժամանակ սուլել են իտալացի դարպասապահ Ջանլուիջի Դոնարումային:

Միլանի «Սան Սիրոյում» կայացած խաղից առաջ ֆանատները նաեւ աղմկել են, երբ ստադիոնի հաղորդավարը հայտնել է 18-ամյա դարպասապահի ազգանունը:

Երկրպագուները նաեւ ցուցադրել են պաստառ, որի վրա եղել է հետեւյալ գրառումը. «Բարոյական բռնությո՞ւն, տարեկան 6 միլիոն եվրո՞ եւ պայմանագիր ձրիակեր-եղբոր հե՞տ: Հեռացիր հիմա, մեր համբերությունը սպառվեց»:

Համացանցում նաեւ հայտնվել է տեսանյութ, որում «Միլանի» ավագ Լեոնարդո Բոնուչին «Վերոնայի» դեմ խաղի ընդմիջմանը փորձում է հանգստացնել Ջանլուիջի Դոնարումային, որը չէր կարողացել զսպել արցունքները:

Հիշեցնենք, որ Իտալիայի հավաքականի դարպասապահն այս ամռանը հրաժարվել էր երկարաձգել «Միլանի» հետ պայմանագիրը՝ սրելով ակումբի ղեկավարության եւ երկրպագուների հետ հարաբերությունները: Դրանից հետո նա պայմանագիրը երկարաձգեց մինչեւ 2021 թվականը: Գործարքից առաջ Ջանլուիջի Դոնարուման պայման էր դրել, որ «Միլանը» պետք է պայմանագիր կնքի նաեւ իր եղբայր Ջիջիո Անտոնիոյի հետ:

"Psychological violence by giving you €6 million a season & signing your parasite brother? It's time to leave...our patience with you is over!"

Milan fans showing their anger towards Donnarumma after all the reports that he's trying to leave them... pic.twitter.com/gNEql2iqk5

— ItalianFootballTV (@IFTVofficial) December 13, 2017