Մադրիդի «Ռեալի» պորտուգալացի հարձակվող Կրիշտիանու Ռոնալդուն չի ցանկանում երկարաձգել գործող պայմանագիրը եւ մտադիր է նվազեցնել այն խզելու համար նախատեսված փոխհատուցման գումարը, գրում է EcoDiario-ն:
Արքայական ակումբի ղեկավարությունը Պորտուգալիայի հավաքականի ավագին չի առաջարկել երկարաձգել գործող պայմանագիրը, իսկ 32-ամյա ֆուտբոլիստը չի պատրաստվում սկսել բանակցություններ: Այժմ Ռոնալդուն փորձում է ակումբի հետ փոխհամաձայնության գալ նրա կլաուզուլայի գումարն իջեցնելու հարցում:
Աղբյուրի համաձայն՝ Ռոնալդուն որոշել է հեռանալ այն բանից հետո, երբ «Ռեալի» նախագահ Ֆլորենտինո Պերեսը հայտարարել է, որ ՊՍԺ-ի բրազիլացի հարձակվող Նեյմարը «Ռեալում» կունենար «Ոսկե գնդակին» արժանանալու ավելի մեծ շանսեր:
Պորտուգալացի հարձակվողի պայմանագիրը «Ռեալի» հետ նախատեսված է մինչեւ 2021-ի ամառը: Պայմանագիրը ժամանակից շուտ խզելու համար պետք է վճարել մեկ միլիարդ եվրո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։