Չեմպիոնների լիգա. Առաջին անգամ փլեյ-օֆֆում կխաղան մեկ երկրի 5 ներկայացուցիչներ
11:42 7 դեկտեմբերի, 2017Անգլիան դարձավ առաջին երկիրը, որը Չեմպիոնների լիգայի պատմության մեջ 5 ներկայացուցիչ կունենա փլեյ-օֆֆում, փոխանցում է Daily Mail-ը:
Խմբային փուլի արդյունքում 1/8 եզրափակիչի ուղեգիր նվաճեցին «Մանչեսթեր Յունայթեդը», «Լիվերպուլն» ու «Մանչեսթեր Սիթին», Լոնդոնի «Տոտենհեմը» եւ «Չելսին»:
Մեկ երկիր կարող է նվաճել Չեմպիոնների լիգայի առավելագույնը 4 ուղեգիր, սակայն «Մանչեսթեր Յունայթեդն» այս տարի նման պատվի էր արժանացել Եվրոպայի լիգայում տարած հաղթանակի շնորհիվ:
Հիշեցնենք, որ խմբային փուլի արգելքը հաղթահարել են նաեւ Չեմպիոնների լիգայի գործող գավաթակիր Մադրիդի «Ռեալը», ֆրանսիական ՊՍԺ-ն, իտալական «Ռոման», կատալոնական «Բարսելոնան», թուրքական «Բեշիկթաշը», Մյունխենի «Բավարիան», Թուրինի «Յուվենտուսը», իսպանական «Սեւիլիան», Դոնեցկի «Շախտյորը», պորտուգալական «Պորտուն» եւ շվեյցարական «Բազելը»: 1/8 եզրափակիչի վիճակահանությունը տեղի կունենա դեկտեմբերի 11-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.