Ֆորմուլա-1-ի չեմպիոն «Մերսեդեսի» ներկայացուցիչները զինված հարձակման են ենթարկվել Բրազիլիայի Մեծ մրցանակից առաջ, հողորդում է midiamax.com.br-ը:
Միջադեպը տեղի է ունեցել Սան Պաուլու քաղաքում, որտեղ չարագործները հարձակվել են «Մերսեդեսի» ներկայացուցիչներին տեղափոխող միկրոավտոբուսի վրա: Ոչ ոք չի տուժել, սակայն կողոպտիչներն իրենց հետ տարել են թանկարժեք իրեր:
«Այստեղ նման բան տեղի է ունենում ամեն տարի: Ֆորմուլա-1-ն ու թիմերը պետք է ինչ-որ բան ձեռնարկեն: Այս ամենն արդարացում չունի»,- միջադեպը մեկնաբանել է «Մերսեդեսի» բրիտանացի արշավորդ Լյուիս Հեմիլթոնը, որը Բրազիլիայի Մեծ մրցանակում գրավել էր չորրորդ տեղը:
Հիշեցնենք, որ Բրազիլիայի Մեծ մրցանակում հաղթել էր «Ֆերարիի» առաջատար Սեբաստիան Ֆետելը:
Հիշեցնենք, որ Լյուիս Հեմիլթոնը նախորդ փուլում էր ապահովել ընդհանուր հաշվարկի հաղթողի տիտղոսը՝ չորրորդ անգամ հռչակվելով Ֆորմուլա-1-ի աշխարհի չեմպիոն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։