Էնթոնի Ջոշուան գերազանցեց Մայք Թայսոնի ռեկորդը
15:04 30 հոկտեմբերի, 2017Պրոֆեսիոնալ բռնցքամարտի գերծանր քաշային կարգում WBA, IBO եւ IBF վարկածներով աշխարհի չեմպիոն Էնթոնի Ջոշուան, նոկաուտով հաղթելով կամերունցի Կարլոս Տակամին, գերազանցել է ամերիկացի լեգենդար բռնցքամարտիկ Մայք Թայսոնի ռեկորդը:
Ուելսի մայրաքաղաք Քարդիֆում անգլիացի 28-ամյա բռնցքամարտիկը 20-րդ մենամարտն անցկացրեց պրոֆեսիոնալ ռինգում եւ 20-րդ հաղթանակը տարավ նոկաուտով: Գերծանր քաշային կարգում աշխարհի նախկին բացարձակ չեմպիոն Մայք Թայսոնը պրոֆեսիոնալ ռինգում մեկնարկել էր 19 նոկաուտով:
Հիշեցնենք, որ Ջոշուան Կարլոս Տակամին պարտության էր մատնել 10-րդ ռաունդում: Ապրիլի 29-ին անգլիացին նաեւ տեխնիկական նոկաուտով հաղթել էր աշխարհի նախկին չեմպիոն Վլադիմիր Կլիչկոյին, որը վերջերս հայտարարեց կարիերան ավարտելու մասին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։