«Ալաշկերտի» եւ «Շիրակի» միջեւ ֆուտբոլի Հայաստանի առաջնության 11-րդ տուրի խաղից հետո տեղի է ունեցել տհաճ միջադեպ, Գյումրիից հայտնում է NEWS.am Sport-ի թղթակիցը:
Գյումրիում կայացած հանդիպման ընթացքում «Շիրակի» երկրպագուները տրիբունայից բազմիցս անպատվել են «Ալաշկերտի» գլխավոր մարզիչ Աբրահամ Խաշմանյանին: Հանդիպման եզրափակիչ սուլիչից հետո մարզիչը ցանկացել է հարաբերությունները պարզել երկրպագուների հետ եւ նրանց տրիբունայից կանչել է խաղադաշտ: Այդ պահին «Շիրակի» անձնակազմի ներկայացուցիչներից մեկը հարվածել է Աբրահամ Խաշմանյանին, ինչից հետո տեղի է ունեցել զանգվածային բախում: Միջադեպի պատճառով Աբրահամ Խաշմանյանի հետխաղյա ասուլիսը չի կայացել:
Հիշեցնենք, որ այդ խաղում Հայաստանի գործող չեմպիոնը նվազագույն հաշվով առավելության էր հասել վերջնամասում խփած գոլի շնորհիվ: «Ալաշկերտի» հաղթական գոլը 89-րդ րոպեին խփել էր տրինիդադցի հարձակվող Լեստեր Պելտիերը:
Այդ հաղթանակից հետո առաջատար «Ալաշկերտը» 5 միավոր առաջ անցավ երկրորդ տեղում գտնվող «Շիրակից»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։