Աշխարհի առաջնության ընտրական մրցաշարում տպավորիչ վիճակագրությամբ աչքի է ընկել Պորտուգալիայի հավաքականի առաջատար Կրիշտիանու Ռոնալդուն։ Նա եվրոպական գոտու ընտրական մրցաշարում ամենաշատն է հարված կատարել դարպասին՝ 66 անգամ։ Մեկ խաղում՝ միջինը 7,4 հարված։
Ռոնալդուն մասնակցել է 24 գոլային գրոհի 32-ից։ Այդ ցուցանիշով նա նույնպես լավագույնն է։ Ռմբարկուների մրցավազքում 1 գոլով լեհ Ռոբերտ Լեւանդովսկուն զիջած Ռոնալդուն խփել է 15 գոլ, կատարել 3 գոլային փոխանցում եւ 6 նախագոլային փոխանցում, հաղորդում է InStat-ը։
Հիշեցնենք, որ ընտրական մրցաշարի վերջին խաղում Պորտուգալիան 2։0 հաշվով հաղթել է Շվեյցարիային եւ նվաճել աշխարհի առաջնության ուղեգիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։