Մոուրինյո. 6 թիմ կմասնակցի Պրեմյեր լիգայի չեմպիոնական մրցավազքին
10:07 24 սեպտեմբերի, 2017«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն դեռ չի շտապում կանխատեսումներ անել Անգլիայի չեմպիոնի տիտղոսի համար պայքարում իր թիմի հնարավորությունների մասին: Պրեմյեր լիգայի 6-րդ տուրում «Յունայթեդը» հյուրընկալվելիս 1:0 հաշվով հաղթել է «Սաութհեմփթոնին» բելգիացի հարձակվող Ռոմելու Լուկակուի գոլի շնորհիվ:
«Կարծում եմ՝ դեռ շատ շուտ է տիտղոսի մասին մտածելու համար: Եթե չեմ սխալվում, անցած մրցաշրջանում այս փուլում 5 կամ 6 միավոր քիչ ունեինք: Դա նշանակում է, որ հիմա մենք ավելի լավ ենք խաղում, քան անցած առաջնության սկզբում: Սա դեռ միայն սկիզբն է: Շուտով կսկսվի բարդ փուլը, կկուտակվի անցկացրած հանդիպումների մեծ քանակ: Կարծում եմ՝ վեց թիմ կմասնակցի չեմպիոնական մրցավազքին»,- Մոուրինյոյի խոսքը մեջբերում է BBC-ն:
«Մանչեսթեր Յունայթեդը» 6 խաղում տարել է 5 հաղթանակ, 1 հանդիպում ավարտել է ոչ ոքի եւ նույն արդյունքը ցույց տված «Մանչեսթեր Սիթիին» առաջին տեղի համար զիջում է խփած եւ բաց թողած գոլերի տարբերությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։