Հենրիխ Մխիթարյան. Շատ լավ ենք մեկնարկել նոր մրցաշրջանում եւ շատ կարեւոր է այսպես շարունակել
20:20 19 օգոստոսի, 2017Անգլիայի առաջնության երկրորդ տուրում «Սուոնսիի» նկատմամբ 4:0 հաշվով արտագնա հաղթանակից հետո «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը մեկնաբանել է արդյունքը:
«Ծանր խաղ էր, հատկապես, առաջին խաղակեսը, քանի որ մրցակիցը հանդես էր գալիս հինգ պաշտպաններով, բայց երկրորդ խաղակեսում ավելի շատ ազատ տարածություններ էինք ստանում եւ կարողացանք գոլեր խփել: Կրքով էինք խաղում, անում էինք այն, ինչ պետք է անեինք: Գոլային պահեր ստեղծելիս նաեւ հաջողությունն էր մեզ ժպտում:
Թիմային ոգին մեր հաջողությունների գրավականն է, շատ լավ ենք մեկնարկել նոր մրցաշրջանում եւ շատ կարեւոր է այսպես շարունակել»,- Մխիթարյանի խոսքը մեջբերում է «Մանչեսթեր Յունայթեդի» մամուլի ծառայությունը:
Հիշեցնենք, որ երկրորդ հանդիպումն անընդմեջ հայ ֆուտբոլիստը դառնում է երկու գոլային փոխանցման հեղինակ:
Ֆեյսբուքյան գրառումով Մխիթարյանն ուրախությունն է արտահայտել իր արդյունավետության կապակցությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։