Բորիսովի ԲԱՏԷ-ի գլխավոր մարզիչ Ալեքսանդր Երմակովիչը մեկնաբանել է Հայաստանի չեմպիոն «Ալաշկերտի» հետ տնային ոչ ոքին Չեմպիոնների լիգայի որակավորման երկրորդ փուլի առաջին խաղում:
«Այս արդյունքը չի բավարարում մեզ: Ստեղծեցինք մի շարք գոլային պահեր, ունեինք առավելություն, բայց անհաջող անդրադարձը բերեց այսպիսի անբավարար արդյունքի: Սակայն կա պատասխան խաղ եւ հասկանալի է, որ ամեն բան պետք է անել հաջորդ փուլ դուրս գալու համար:
Համաձայն եմ, որ ԲԱՏԷ-ն անցկացրեց 2 տարբեր խաղակեսեր, իսկ երկրորդ կեսը հաջող չէր: Չգիտեմ, թե ինչի հետ է դա կապված: Գուցե մրցակիցը սկսեց ընտելանալ կամ մեր ուժերը պակասեցին: Ինչ-որ բան այնպես չկառուցեցինք:
Ընդմիջմանը թիմին ասացի շարունակել խաղալ այնպես, ինչպես առաջին խաղակեսում»,- մարզիչի խոսքը մեջբերում է football.by-ը:
Հիշեցնենք, որ «Բորիսով Արենա» ստադիոնում կայացած խաղն ավարտվել էր 1:1 հաշվով: «Ալաշկերտի» եւ ԲԱՏԷ-ի միջեւ պատասխան հանդիպումը կկայանա մեկ շաբաթ անց Երեւանի «Հանրապետական» ստադիոնում:
Բորիսովում տեղի ունեցած հանդիպումից հետո ԲԱՏԷ-ի երկրպագուները պահանջել են Ալեքսանդր Երմակովիչի հրաժարականը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։