«Ռոլան Գարոս». Նադալը 7 գեյմ տվեց մրցակցին եւ դուրս եկավ եզրափակիչ
22:16 9 հունիսի, 2017Թենիսի Ֆրանսիայի բաց առաջնության չեմպիոնական տիտղոսը կվիճարկեն իսպանացի Ռաֆայել Նադալն ու շվեյցարացի Սթեն Վավրինկան:
Երկրորդ կիսաեզրափակիչում Նադալը վստահ հաղթանակ տարավ ավստրիացի Դոմինիկ Տիմի նկատմամբ: 3 սեթանոց մրցախաղում իսպանացին ընդամենը 7 գեյմ տվեց մրցակցին: Հանդիպումը տեւեց 2 ժամ 8 րոպե եւ ավարտվեց 6:3, 6:4, 6:0 հաշվով:
Հիշեցնենք, որ առաջին կիսաեզրափակիչում Սթեն Վավրինկան 5 սեթում հաղթել էր աշխարհի առաջին ռակետ Էնդի Մարեյին:
Այս տարի «Ռոլան Գարոսի» հաղթողի տիտղոսը չէր կարողացել պաշտպանել աշխարհի երկրորդ ռակետ Նովակ Ջոկովիչը, որը քառորդ եզրափակիչում պարտվել էր Դոմինիկ Տիմին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։