Արթուր Աբրահամի առաջիկա մրցակիցը աշխարհի չեմպիոնի կոչման համար

20:17   2 հունիսի, 2017

Հայտնի է պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամի (46-5-0, 30 նոկաուտ) առաջիկա մրցակիցը: Հուլիսին (15-ին կամ 22-ին) Լոնդոնում տեղի ունենալիք մենամարտում 37-ամյա հայ բռնցքամարտիկը կմրցի 27-ամյա բրիտանացի Քրիս Յուբենք կրտսերի (24-1-0, 19 նոկաուտ) հետ, հաղորդում է Արթուր Աբրահամի մամուլի քարտուղար Սիրան Գրիգորյանը: Այդ մենամարտում կվիճարկվի  IBO վարկածով աշխարհի չեմպիոնի տիտղոսը:

Հիշեցնենք, որ նախորդ մենամարտում Արթուր Աբրահամը ապրիլի 22-ին Գերմանիայի Էրֆուրտ քաղաքում անցկացված WBO-ի վարկանիշային մենամարտում մրցավարների որոշմամբ, միավորներով պարտության է մատնել  Լեհաստանը ներկայացնող, Մյունխենում բնակվող կոսովցի Ռոբին Կրասնիկիին:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։