Հենրիխ Մխիթարյան. Աջ ազդրիս ետեւի մկանն է ցավում
01:04 23 փետրվարի, 2017Եվրոպայի լիգայի 1/16 եզրափակիչի «Սենթ Էթյեն» - «Մանչեսթեր Յունայթեդ» պատասխան խաղում վնասվածքի պատճառով արդեն 25-րդ րոպեին փոխարինված Հենրիխ Մխիթարյանը մեկնաբանել է իրավիճակը:
«Աջ ազդրիս ետեւի մկանն է ցավում: Եղավ դրվագ, երբ արագացում կատարեցի, որպեսզի հասնեմ գնդակին եւ հենց այդ պահից հետո ցավ զգացի: Վնասվածքիս լրջությունը պարզ կդառնա վաղը՝ բուժզննումից հետո»,- ասել է Մխիթարյանը ՀՖՖ մամուլի քարտուղարության հետ զրույցում:
Հիշեցնենք, որ 28-ամյա ֆուտբոլիստի գոլի շնորհիվ «Մանչեսթեր Յունայթեդը» 1:0 հաշվով հաղթել է ֆրանսիական թիմին եւ դուրս եկել Եվրոպայի լիգայի 1/8 եզրափակիչ:
Խաղից հետո «Մանչեսթեր Յունայթեդի» գլխավոր մարզիչ Ժոզե Մոուրինյոն նշել էր, որ հայ ֆուտբոլիստի մասնակցությունը փետրվարի 26-ին Լոնդոնի «Ուեմբլիում» կայանալիք Անգլիական լիգայի գավաթի խաղարկության եզրափակիչին հարցականի տակ է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.