Հենրիխ Մխիթարյանը՝ Միկի մականունի մասին
09:11 15 փետրվարի, 2017«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը պատմել է, թե ինչպես է ստացել Միկի մականունը:
«Երբ ես տեղափոխվեցի Դորտմունդի «Բորուսիա», Յուրգեն Կլոպին ինձ ասաց, որ իմ ազգանունը չափազանց երկար է, անունը՝ նույնպես: Նա առաջարկեց ինձ անվանել Միկի, իսկ ես ասացի, որ խնդիր չեմ տեսնում: Այդ օրվանից ինձ անվանում են Միկի»,- ասել է Մխիթրայանը BBC-ի հետ հարցազրույցում:
28-ամյա ֆուտբոլիստը նաեւ պատմել է, որ իր մանկության ֆուտբոլային կուռքը եղել է Զինեդին Զիդանը, որն այժմ գլխավորում է Մադրիդի «Ռեալը»:
«Ես սիրահարված էի Զիդանի խաղին: Երբ դիտում էի ֆուտբոլ, դիտում էի միայն Զիդանի խաղերը»,- ասել է Մխիթարյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։