Իբրահիմովիչ. Մխիթարյանի գոլը կհիշեն հավերժ

Ես շատ ուրախ եմ Մխիթարյանի համար, քանի որ այդ գոլը կհիշեն հավերժ, ասել է «Մանչեսթեր Յունայթեդի» շվեդ հարձակվող Զլատան Իբրահիմովիչը։ Հայ ֆուտբոլիստի գոլը ճանաչվել է լավագույնը դեկտեմբերին Պրեմյեր լիգայում։

«Զարմանալի գոլ էր։ Այդպիսի գոլը հնարավոր չէ նկարագրել, դրա մասին նույնիսկ երազելը բարդ է։ Ուրախ եմ, որ ես եւս առնչություն ունեմ այդ գոլին, որը խաղի իսկական գեղեցկությունն է։ Մենք այդ հարվածը փորձել էինք Մխիթարյանի հետ։ Գոլից մի երկու շաբաթ առաջ մարզվել էինք։ Ես նրան հստակ ասացի, թե ինչպես է պետք անել այդ շարժումը, ինչպիսի փոխանցում է անհրաժեշտ, որ ամեն ինչ իդեալական ստացվի»,- Իբրահիմովիչի խոսքը մեջբերում է Goal.com-ը։

Հիշեցնենք, որ Մխիթարյանը «Սանդերլենդի» դարպասը «կարիճ» ոճի հարվածով գրավել էր Իբրահիմովիչի փոխանցումից հետո։ Շվեդ հարձակվողը ճանաչվել է դեկտեմբերին Պրեմյեր լիգայի լավագույն խաղացող։