Daily Mail. Հենրիխ Մխիթարյանը հայրենիքում նույնիսկ 10 լավագույնների թվում չէ
00:17 28 դեկտեմբերի, 2016Բրիտանական Daily Mail-ն անդրադարձել է 2016թ. Հայաստանի լավագույն մարզիկների տասնյակին եւ ֆուտբոլի Հայաստանի հավաքականի եւ «Մանչեսթեր Յունայթեդի» կիսապաշտպան Հենրիխ Մխիթարյանի բացակայությանը:
Դորտմունդի «Բորուսիայի» հետ Գերմանիայի փոխչեմպիոն հռչակված եւ Բունդեսլիգայի ֆուտբոլիստների քվեարկությամբ, մրցաշրջանի լավագույն խաղացող ճանաչված, «Մանչեսթեր Յունայթեդի» կազմում անցկացրած նախորդ երեք խաղերում նույնքան գոլ խփած Հենրիխ Մխիթարյանը հայրենիքում նույնիսկ 10 լավագույնների թվում չէ, գրում է պարբերականը՝ անդրադառնալով նաեւ այդ կապակցությամբ Հայաստանի ֆուտբոլի ֆեդերացիայի նախագահի հայտարարությանը:
Հիշեցնենք, որ 2016թ. Հայաստանի լավագույն մարզիկ է ճանաչվել օլիմպիական չեմպիոն Արթուր Ալեքսանյանը: Հայաստանի մարզական լրագրողների ֆեդերացիայի քվեարկության չափանիշը պարտադրում է նախապատվությունը տալ մեծահասակների աշխարհի, Եվրոպայի առաջնությունների, Օլիմպիական խաղերի չեմպիոնների եւ մեդալակիրների:
Նշենք, որ NEWS.am Sport-ը չի մասնակցում ՀՄԼՖ-ի քվեարկությանը՝ հաշվի առնելով արհեստական սահմանափակումները:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։