Ռուբեն Հայրապետյանը սպորտի նախարարին խորհուրդ է տվել զբաղվել ատամնաբուժությամբ

Հայաստանի ֆուտբոլի ֆեդերացիայի նախագահ Ռուբեն Հայրապետյանը, Արթուր Պետրոսյանին Հայաստանի ազգային հավաքականի գլխավոր մարզիչի պաշտոնում ներկայացնելուց հետո, անդրադարձել է նաեւ Սպորտի եւ երիտասարդության հարցերի նորանշանակ նախարար Հրաչյա Ռոստոմյանի հայտարարությանը: Ավելի վաղ Ռոստոմյանը նշել էր, որ հրավիրելու է ֆուտբոլային մասնագետների՝ ֆուտբոլի քննարկումների համար:

«Ես սպորտի նախարարին խորհուրդ կտայի զբաղվել ատամնաբույժի գործունեությամբ: Նա այնքան չգիտի, որ Սպորտի նախարարությունն իրավունք չունի զբաղվել ֆուտբոլով: Եթե նա կարդա ՖԻՖԱ-ի կանոնակարգը, կհասկանա, որ եթե հանկարծ փորձի նման բան անել, ֆուտբոլի ֆեդերացիան ու Հայաստանի կառավարությունը պատժամիջոցների կենթարկվեն ՖԻՖԱ-ի կողմից»,- նշել է Ռուբեն Հայրապետյանը:

Նշենք, որ Հրաչյա Ռոստոմյանը մասնագիտությամբ ատամնաբույժ է:

Լուսինե Շահբազյան