«Ռյազանի» մարզիչ. «Ուրարտուն» ուժեղ մրցակից էր, շատ հետաքրքիր խաղ ստացվեց

23:16   6 հոկտեմբերի, 2016

Ռուսաստանի Սուպերլիգա-1-ում մեկնարկեցինք բարդ ու լարված խաղով: «Ուրարտուն»  ուժեղ մրցակից էր, շատ հետաքրիր խաղ ստացվեց: Այս մասին լրագրողների հետ ճեպազրույցում ասաց բասկետբոլի տղամարդկանց ռուսական «Ռյազան» թիմի գլխավոր մարզիչ Դենիս Տիմակովը՝ մեկնաբանելով Երեւանի «Ուրարտու» թիմի հետ խաղը:

«Այսօր մեր թիմն անցկացրեց իր առաջին խաղը Սուպերլիգա-1-ի կանոնավոր առաջնությունում եւ իսկապես շատ բարդ խաղ ստացվեց: «Ուրարտուն» նորեկ լինելով ուժեղ մրցակից էր, որը շատ էր ցանկանում այսօր իր տանիքի տակ հաղթել: Բայց ուրախ եմ, որ մենք առավելության հասանք, եւ հաղթանակը մերն է: Շատ հետաքրքիր, լարված ու դիտարժան խաղ ստացվեց: Երկրպագուների համար էլ կարծում եմ շատ հետաքրքիր էր, որովհետեւ նայվող խաղ էր:

Փորձում եմ երբեք չմեկնաբանել մրցավարների գործունեությունը, համարում եմ, որ իրենք իրենց գործն են անում եւ միջամտելու կամ մեկնաբանելու կարիք չկա: Կարծում եմ, «Ուրարտու» - «Ռյազան» խաղը դժվար ստացվեց նույնիսկ մրցավարների համար եւ երբեմն բարդ է նման խաղերը դատել, երբ երկու մրցակիցները միավորների չնչին տարբերությամբ են խաղում եւ վայրկյանների ընթացքում թիմերից ամեն մեկը առաջ անցնում հաշվի մեջ»,- ասաց Դենիս Տիմակովը:

Հիշեցնենք, որ Երեւանի «Ուրարտուն» առաջին հանդիպումն անցկացրեց բասկետբոլի Ռուսաստանի Սուպերլիգա-1-ի կանոնավոր առաջնությունում՝ Երեւանի «Դինամո» մարզապալատում ընդունելով ռուսական «Ռյազանին»: Տիգրան Գյոկչյանի գլխավորած թիմը լրացուցիչ ժամանակում պարտություն կրեց 89:93 հաշվով:

Լուսինե Շահբազյան



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։