Պրոֆեսիոնալ բռնցքամարտի աշխարհի նախկին չեմպիոն Արթուր Աբրահամը (Ավետիք Գրիգորի Աբրահամյան) հայր է դարձել:
«Որդիս ծնվել է Գերմանիայում, ունի 51 սմ հասակ, 3.6 կգ քաշ: Անսահման երջանիկ եմ: Չեմ կարող բառերով նկարագրել ուրախությունս: Հայր դառնալը աննկարագրելի մեծ երջանկություն է»,- նշել է Արթուր Աբրահամը NEWS.am Sport-ի թղթակցի հետ զրույցում:
Տղային անվանակոչել են Արթուր Աբրահամի հոր պատվին` Գրիգոր:
Հիշեցնենք, որ Արթուր Աբրահամը հուլիսի 16-ին անցկացրեց կարիերայի 50-րդ մենամարտը՝ 30-րդ անգամ հաղթելով նոկաուտով: Դրանից հետո նա NEWS.am Sport-ի թղթակցի հետ զրույցում ասաց, որ «պետք է վերադարձնի աշխարհի չեմպիոնի կոչումը, իսկ կարիերան կավարտի 1-1.5 տարվա ընթացքում»:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։