Ռիո-2016. Գեորգի Կետոեւը նույնպես պարտվեց մեկնարկում

16:37   21 օգոստոսի, 2016

Հայաստանը ներկայացնող 30-ամյա Գեորգի Կետոեւն անհաջող մեկնարկեց Ռիո դե Ժանեյրոյում ավարտին մոտեցող ամառային Օլիմպիական խաղերի ազատ ոճի ըմբշամարտի մրցաշարում:

97 կգ քաշային Կետոեւը պայքարը սկսեց 1/8 եզրափակիչից՝ 1:8 հաշվով պարտվելով Բաքվում կայացած 2015թ. Եվրոպական խաղերի փոխչեմպիոն, 27-ամյա վրացի Էլիզբար Օդիկաձեին: Կետոյեւն առաջինը միավոր վաստակեց, սակայն հետագայում վրացին ավելի ուժեղ էր: Քառորդ եզրափակիչում նա կմրցի ղաղախ Մամեդ Իբրագիմով, որը պայքարից դուրս թողեց Խոսե Դանիել Դիասին (Վենեսուելա):

Օգոստոսի 21-ին պայքարի մեջ էր մտել նաեւ 65 կգ քաշային Դավիթ Սաֆարյանը, որը մեկնարկային գոտեմարտում 1:3 հաշվով պարտվեց աշխարհի ու Եվրոպայի գործող չեմպիոն, 24-ամյա իտալացի Ֆրանկ Մարկեսին: Եթե իտալացին հասնի եզրափակիչ, հայ ըմբիշը հնարավորություն կստանա պայքարել բրոնզե մեդալի համար:

Հիշեցնենք, որ ազատ ոճի ըմբշամարտի Հայաստանի թիմի կազմում Ռիո-2016-ում հանդես էին եկել Գառնիկ Մնացականյանը (57 կգ) եւ Լեւան Բերիանիձեն (125 կգ), որոնք մեդալ չէին նվաճել: Մնացականյանը պարտությամբ էր մեկնարկել, իսկ Բերիանիձեն, պարտվելով կիսաեզրափակիչում, չէր հաղթել նաեւ բրոնզե մեդալի համար գոտեմարտում:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։