Ռիոյի Օլիմպիական խաղերի կրկնակի չեմպիոն, թրամարտիկ Յանա Եգորյանը պատմել է, թե ինչ է պատրաստվում անել պարգեւավճարների գումարով:
«Շատ եմ սիրում Խիմկին: Այժմ ապրում եմ մորս եւ տատիս հետ: Այդ պատճառով պարգեւավճարների գումարով բնակարան կգնեմ Խիմկիում: Ես ամբողս կյանքս անցկացրել եմ այս քաղաքում եւ գործնականում ճանաչում եմ ամեն երրորդին: Իհարկե, բոլորը ճանաչում են, շնորհավորում են, ցանկանում են լուսանկարվել ինձ հետ: Այո, կյանքը փոխվել է, հույս ունեմ, որ էլ կփոխվի»,- Յանա Եգորյանի խոսքը մեջբերում է Championat-ը:
Հիշեցնենք, որ Ռիոյում Ռուսաստանը ներկայացնող Յանա Եգրոյանը նվաճել է չեմպիոնի տիտղոսները անհատական եւ թիմային պայքարում:
Յանա Եգորյանը հայ օպերային երգիչ, կինոդերասան Հենրիկ Ալավերդյանի թոռնուհին է։ Նրա հայրն ապրում է Երեւանում: NEWS.am Sport-ի թղթակիցը Եգորյանի առաջին հաղթանակից հետո հանդիպել էր Կարապետ Ալավերդյանի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։