Եվրո-2016. Բուֆոնի եւ Բարցալիի արցունքները. Հիասթափություն եւ շոկ
14:53 3 հուլիսի, 2016Իտալիայի հավաքականի դարպասապահ, թիմի ավագ Ջանլուիջի Բուֆոնն ու պաշտպան Անդրեա Բարցալին չեն կարողացել զսպել արցունքները՝ Եվրո-2016-ի քառորդ եզրափակիչում Գերմանիայի հավաքականից հետախաղյա 11 մետրանոցներով կրած պարտությունը մեկնաբանելիս:
«Մենք արեցինք այն ամենը, ինչ կարող էինք: Եթե թիմը կազմակերպված է, մարտավարական միտք ու արժեքներ ունի, ապա ամեն ինչ հնարավոր է, բայց այս անգամ չհերիքեց: Կոնտեն գովասանքի խոսքեր ասաց մեզ, նա հպարտ էր մարզել այս ֆուտբոլիստներին: Մենք պայքարեցինք մինչեւ վերջին կաթիլ քրտինքը: Մենք հոգի տվեցինք այս մրցաշարում: Բոլորս էլ ունենք արցունքի պատճառներ: Այնքան մոտ էինք նպատակին: Ահավոր է մտածել, որ Գերմանիան երեք անգամ վրիպեց 11 մետրանոցների ժամանակ, բայց դա մեզ չհերիքեց: Չեմ կարող ասել, որ սրանից ավելի վատ է եղել: Այս պարտությունն իսկական շոկ է: Երկու տարի առաջ աշխարհի առաջնությունում մենք ցավում էինք, որ չարեցինք այն ամենը, ինչը կարող էինք: Այս անգամ մենք կարող էինք հաղթել: Այժմ այս բեռով պետք է վերադառնալ տուն»,- ասել է Բուֆոնը:
«Ցուցադրեցինք առավելագույնը: Այսօրվա պարտությունը կզրոյացնի մեր բոլոր նվաճումներն այս մրցաշարում: Կմնա միայն հիասթափությունը: Մի քանի տարի հետո ոչ ոք չի հիշի, թե ինչքան ջանք ենք գործադրել խաղադաշտում: Մենք վայելում էինք այս առաջնությունը եւ շատ էինք ցանկանում շարունակել պայքարը»,- ասել է Բարցալին:
Կիսաեզրափակիչում Գերմանիայի մրցակիցը կլինի Ֆրանսիա - Իսլանդիա զույգի հաղթողը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.