Բունդեսլիգա. Հենրիխ Մխիթարյանը՝ 23-րդ տուրի լավագույն ֆուտբոլիստ
11:52 2 մարտի, 2016Դորտմունդի «Բորուսիայի» կիսապաշտպան Հենրիխ Մխիթարյանը Բունդեսլիգայի պաշտոնական կայքում անցկացված հարցման արդյունքում ճանաչվել է Գերմանիայի առաջնության 23-րդ տուրի լավագույն ֆուտբոլիստ:
Հայաստանի հավաքականի 27-ամյա ֆուտբոլիստը ստացել է ձայների 47 տոկոսը՝ առաջ անցնելով «Շտուտգարտի» բոսնիացի հարձակվող Վեդադ Իբիշեւիչից, որը հավաքել է 40 տոկոս ձայն: Լավագույն եռյակը եզրափակել է «Հանովերի» ավագ Կրիստիան Շուլցը՝ 5 տոկոս ձայն:
Հիշեցնենք, որ «Հոֆենհայմի» դեմ տնային խաղում 27-ամյա Մխիթարյանի գոլի ու գոլային փոխանցման օգնությամբ «Բորուսիան» կամային հաղթանակ էր տարել 3:1 հաշվով՝ մինչեւ 80-րդ րոպեն լինելով հաշվի մեջ հետապնդողի դերում:
Opta Sports-ի համաձայն՝ ընթացիկ մրցաշրջանում Մխիթարյանը գերմանական ակումբի կազմում մասնակցել է 37 խաղի՝ դառնալով 19 գոլի ու 19 գոլային փոխանցման հեղինակ: Գոլային փոխանցումների ցուցանիշով նա լավագույնն է Եվրոպայի առաջատար առաջնություններում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։