Հենրիխ Մխիթարյանը՝ Բունդեսլիգայի 18-րդ տուրի խորհրդանշական հավաքականում (ֆոտո)
12:53 25 հունվարի, 2016Դորտմունդի «Բորուսիայի» ու Հայաստանի ազգային հավաքականի կիսապաշտպան Հենրիխ Մխիթարյանը Whoscored.com-ի եւ Kicker-ի վարկածով ընդգրկվել է գերմանական Բունդեսլիգայի 18-րդ տուրի խորհրդանշական հավաքականում: Whoscored.com-ի կազմած թիմում 27-ամյա Մխիթարյանից բարձր գնահատականի արժանացել է միայն Բրեմենի «Վերդերի» կիսապաշտպան Կլեմենս Ֆրիցը:
Հիշեցնենք, որ Մյոնխենգլադբախի «Բորուսիայի» դեմ արտագնա խաղում Հենրիխ Մխիթարյանը հյուրերի մեկնարկային կազմում մասնակցել էր ամբողջ խաղին եւ դարձել գոլի ու գոլային փոխանցման հեղինակ: Դորտմունդցիները հաղթել էին 3:1 հաշվով: Whoscored.com-ը նրան ճանաչել էր նաեւ հանդիպման լավագույն ֆուտբոլիստ:
Գերմանիայի ընթացիկ առաջնությունում Մխիթարյանը մասնակցել է 17 խաղի՝ դառնալով 7 գոլի եւ 9 գոլային փոխանցման հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.