Հենրիխ Մխիթարյանը «Բորուսիայում» հատեց 100 խաղի սահմանագիծը
11:55 24 սեպտեմբերի, 2015Ֆուտբոլի Հայաստանի հավաքականի կիսապաշտպան Հենրիխ Մխիթարյանը սեպտեմբերի 23-ին 100-րդ խաղն է անցկացրել Դորտմունդի «Բորուսիայի» կազմում, հաղորդում է Բունդեսլիգայի թվիթերյան էջը:
Դա տեղի ունեցավ «Հոֆենհայմի» դեմ Բունդեսլիգայի 6-րդ տուրի խաղում, որում Թոմաս Տուխելի թիմն առաջին միավորները կորցրեց այս առաջնությունում: Այդ մրցավեճում Մխիթարյանն այս մրցաշրջանում առաջին անգամ հայտնվել էր «Բորուսիայի» պահեստայինների թվում եւ փոխարինման դուրս եկավ ընդմիջմանը:
Գերմանիայի ընթացիկ առաջնությունում հայ ֆուտբոլիստը մասնակցել է 6 խաղի, խփել է 3 գոլ եւ կատարել 3 գոլային փոխանցում: Նա 2013-ի ամռանը Դոնեցկի «Շախտյորից» է տեղափոխվել գերմանական ակումբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։