Աշխարհի առաջնություն. Մաքսիմ Մանուկյանը պարտվեց մեկնարկային գոտեմարտում
23:18 9 սեպտեմբերի, 2015Լաս Վեգասում ավարտին մոտեցող հունահռոմեական ըմբշամարտի աշխարհի առաջնության վերջին քաշային կարգում Հայաստանի ներկայացուցիչ Մաքսիմ Մանուկյանը (85 կգ) մեկնարկային գոտեմարտում մրցեց ռուսաստանցի Դավիթ Չակվետաձեի հետ: Ֆավորիտներից մեկի հետ պայքարում հայ ըմբիշը պարտություն կրեց: Եվրոպական խաղերի չեմպիոնն առավելության հասավ 5:3 հաշվով: Եթե Չակվետաձեն դուրս գա եզրափակիչ, Մաքսիմ Մանուկյանը սփոփիչ գոտեմարտերում կպայքարի բրոնզե մեդալին հավակնելու համար:
Հիշեցնենք, որ հունահռոմեական ոճի ըմբշամարտի Հայաստանի հավաքականի կազմում Լաս Վեգասում հանդես են եկել նաեւ Ռոման Ամոյանը (59 կգ), Միհրան Հարությունյանը (66 կգ), Վարշամ Բորանյանը (71 կգ), Արսեն Ջուլֆալակյանը (75 կգ), Էդուարդ Սարգսյանը (80 կգ), Արթուր Ալեքսանյանը (98 կգ) եւ Էդգար Խաչատրյանը (130 կգ): Միակ մեդալը նվաճել է Արթուր Ալեքսանյանը, որը երկրորդ տարին անընդմեջ դարձավ աշխարհի չեմպիոն: Առնվազն արծաթե մեդալակիր պետք է դառնար նաեւ Միհրան Հարությունյանը, որը կիսաեզրափակիչում մրցավարական խայտառակ կողմնակալության պատճառով պարտվեց կորեացի ըմբիշին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.