Վլադիմիր Վայս. Այսպես խաղալ չի կարելի
21:08 23 հուլիսի, 2015Ղազախական «Կայրաթի» գլխավոր մարզիչ Վլադիմիր Վայսը հետխաղյա ասուլիսում խոսեց Եվրոպայի լիգայի որակավորման երկրորդ փուլի պատասխան խաղում Երեւանի «Ալաշկերտից» 1:2 հաշվով կրած պարտության մասին:
«Շնորհավորում եմ ձեզ հաղթանակի կապակցությամբ: Գոհացնում է միայն այն, որ հաջորդ փուլում ենք: Մրցակիցն ավելի շատ էր հանգստացել, եւ գիտեինք, որ հեշտ չի լինելու, բայց մեր խաղը չցուցադրեցինք: Այսպես խաղալ չի կարելի: Եթե ցանկանում ենք առաջ շարժվել, այսպես սխալվելն անթույլատրելի է: Մինչեւ «Ալաշկերտի» խփած երկրորդ գոլն ունեցանք մի շարք գոլային պահեր, որոնք պետք է իրացնեինք»,- նշեց Սլովակիայի հավաքականի նախկին գլխավոր մարզիչը:
Հիշեցնենք, որ Ալմաթիում կայացած առաջին խաղում «Ալաշկերտը» 0։3 հաշվով պարտվել էր «Կայրաթին», այդ պատճառով լքեց պայքարը: Եվրոպայի լիգայի որակավորման երրորդ փուլում ղազախական ակումբը կհանդիպի խորվաթական «Ռիեկայի» եւ շոտլանդական «Աբերդինի» դիմակայության հաղթողի հետ:
Դավիթ Եղիազարյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.