Հայաստանի ներկայացուցիչ Արման Երեմյանը Բաքվում ընթացող Եվրոպական մարզական խաղերի թաեքվոնդոյի մրցաշարում հնարավորություն ստացավ պայքարել բրոնզե մեդալի համար:
80 կգ քաշային կարգի մեկնարկային մենամարտում հայ մարզիկը 4:2 հաշվով հաղթել էր թուրք Յունուս Սարիին, սակայն քառորդ եզրափակիչում 2:5 հաշվով պարտվել էր ռուս Ալբերտ Գաունին: Քանի որ ռուս մարտիկը դուրս եկավ եզրափակիչ, Արման Երեմյանը հնարավորություն ստացավ պայքարել բրոնզե մեդալի համար: Առաջին սփոփիչ մենամարտում նա Երեւանի ժամանակով 19:45-ին կհանդիպի նորվեգացի Ռիչարդ Օրդեմանին, ում հաղթելու դեպքում բրոնզե մեդալի համար կմենամարտի պորտուգալացի Ժուլիո Ֆերեյրայի հետ:
Հիշեցնենք, որ Արման Երեմյանը Հայաստանի միակ ներկայացուցիչն է Եվրոպական խաղերի թաեքվոնդոյի մրցաշարում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։