Եվրոպական խաղեր. Հրաչիկ Բաբայանը մոտ էր մեդալի

11:10   16 հունիսի, 2015

Հայաստանը ներկայացնող Հրաչիկ Բաբայանը 5-րդ տեղը գրավեց Բաքվում ընթացող Եվրոպական մարզական խաղերի հրաձգության մրցաշարում:

10 մետր օդամուղ հրացանով վարժության որակավորման փուլում 18-ամյա մարզիկը, սահմանելով Խաղերի ռեկորդ (629.3 միավոր), առաջին տեղով դուրս եկավ եզրափակիչ, սակայն այդ փուլում 8 հրաձիգների պայքարում գրավեց միայն 5-րդ տեղը (143.3 միավոր):

Հրաչիկ Բաբայանը Բաքվում կմասնակցի նաեւ հրացանի 50 մետրի մրցմանը: Նա 2014թ. պատանեկան Օլիմպիական խաղերի արծաթե մեդալակիր եւ 2014թ. աշխարհի երիտասարդական առաջնության փոխչեմպիոն է:

Եվրոպական խաղերում Հայաստանն ունի մեկ արծաթե մեդալ, որը հունիսի 14-ին նվաճել է Միհրան Հարությունյանը՝ երկրորդ տեղը գրավելով հունահռոմեական ոճի ըմբշամարտի մրցաշարի 66 կգ քաշային կարգում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։