Ռոման Ամոյանը մեդալ չնվաճեց
18:24 13 հունիսի, 2015Եվրոպական մարզական խաղերի հունահռոմեական ըմբշամարտի 59 կգ քաշայինների մրցաշարում Հայաստանի ներկայացուցիչ Ռոման Ամոյանը բրոնզե մեդալի համար գոտեմարտում պարտություն կրեց 1:4 հաշվով: Մրցակիցը ադրբեջանցի Էլմար Մուխտարովն էր: Հայաստանի պատվիրակության մամուլի պատասխանատու Կարեն Գիլոյանը հայտնել էր, որ Ամոյանը հանդես էր գալիս մատի կոտրվածքով:
Ռոման Ամոյանը պայքարը սկսել էր 1/8 եզրափակիչից՝ 6:0 հաշվով հաղթելով պորտուգալացի Ժոաո Կարվալյուին, սակայն հաջորդ գոտեմարտում նա առանց միավոր վաստակելու ժամանակից շուտ պարտվել էրՌուսաստանը ներկայացնող Ստեփան Մարյանյանին: Քանի որ ռուսաստանցի ըմբիշը կիսաեզրափակիչում 4:1 հաշվով հաղթեց ադրբեջանցի Էլման Մուխտարովին եւ դուրս եկավ եզրափակիչ, Ամոյանը հնարավորություն ստացավ պայքարել բրոնզե մեդալի համար: Առաջին ու միակ սփոփիչ գոտեմարտում Ռոմանը 3:0 հաշվով հաղթեց դանիացի Տոբիաս Ֆոնեսբեքին:
Հիշեցնենք, որ Ռոման Ամոյանը Հայաստանի միակ ներկայացուցիչն է Եվրոպական խաղերի առաջին մրցումային օրը: Հունահռոմեական ոճի ըմբշամարտի մրցաշարում Հայաստանից հանդես են գալու նաեւ Միհրան Հարությունյանը (66կգ), Կարապետ Չալյանը (75կգ) եւ Մաքսիմ Մանուկյանը (85կգ), ովքեր մեդալների համար կպայքարեն հունիսի 14-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.