Ֆուտբոլի Ռուսաստանի առաջնության 28-րդ տուրում «Սպարտակն» առանց Հայաստանի հավաքականի հարձակվող Յուրա Մովսիսյանի սեփական խաղադաշտում 0:4 հաշվով պարտվեց ԲԿՄԱ-ին:
Մոսկովյան դերբիի արդեն 30-րդ րոպեին բանակայինները ստացել էին 3 գոլի առավելություն, իսկ ֆինն կիսապաշտպան Ռոման Երյոմենկոն ձեւակերպել էր դուբլ: Ընդմիջումից հետո ԲԿՄԱ-ն խփեց նաեւ չորրորդ գոլը՝ տանելով վստահ հաղթանակ:
Հիշեցնենք, որ մարզման ժամանակ ստացած վնասվածքի պատճառով Յուրա Մովսիսյանն այս մրցաշրջանում այլեւս չի օգնելու «Սպարտակին»: Վնասվածքից վերականգնված Արաս Օզբիլիսի անունը եւս բացակայում էր Մուրատ Յակինի թիմի հայտացուցակից:
Այս հաղթանակից հետո ԲԿՄԱ-ն շրջանցեց մեկ խաղ պակաս անցկացրած «Կրասնոդարին» եւ 56 միավորով բարձրացավ երկրորդ տեղ: «Սպարտակը» 43 միավորով 6-րդն է:
Ռուսաստանի առաջնություն, 28-րդ տուր
«Սպարտակ» - ԲԿՄԱ՝ 0:4
Ռոման Երյոմենկո, 11, 22, Զոչան Տոշիչ, 30, Ահմեդ Մուսա, 63
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։