Արթուր Աբրահամ. Աշխարհը պետք է ճանաչի Հայոց ցեղասպանությունը
21:42 23 ապրիլի, 2015Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը ֆեյսբուքյան գրառումով հիշեցրել է, որ Փոլ Սմիթի նկատմամբ փետրվարի 21-ին տարած հաղթանակը նվիրված է Հայոց ցեղասպանության 100-րդ տարելիցին։ Այդ մասին նա Բեռլինում կայացած հաղթական մենամարտից հետո ռինգում ասել էր NEWS.am Sport-ի թղթակից Լուսինե Շահբազյանի հետ ճեպազրույցում։
«Ինձ համար այս հաղթանակը շատ կարեւոր է: Այն նվիրում եմ Հայոց ցեղասպանության 100-ամյա տարելիցին, որպեսզի ամբողջ աշխարհը լսի, ճանաչի, իմանա, որ հայերին կոտորել են, սպանել ու չարչարել են մեր երեխաներին, քույրերին ու եղբայրներին: Աշխարհը պետք է ճանաչի Հայոց ցեղասպանությունը»,- նշել էր Արթուր Աբրահամը:
Հիշեցնենք, որ փետրվարի 21-ին Բեռլինի O2 World մարզապալատում կայացած մենամարտում հայ բռնցքամարտիկը Փոլ Սմիթին երկրորդ անգամ հաղթեց մրցավարների միաձայն որոշմամբ՝ 116:112, 117:111, 117:111: Արթուր Աբրահամը 42-րդ հաղթանակը տարավ պրոֆեսիոնալ ռինգում՝ հերթական անգամ պաշտպանելով աշխարհի չեմպիոնի գոտին: Տիտղոսի նախկին տիրակալ Ռոբերտ Շտիգլիցի հետ Աբրահամի չորրորդ մենամարտը կկայանա հուլիսի 18-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.