Կառլեն Մկրտչյանը հեռացել է Դոնեցկի «Մետալուրգից»

16:44   28 հոկտեմբերի, 2014

Ֆուտբոլի Հայաստանի հավաքականի կիսապաշտպան Կառլեն Մկրտչյանը հեռացել է Դոնեցկի «Մետալուրգից»: Մկրտչյանն այս օրերին մարզվում է Երեւանի «Փյունիկում», հաղորդում է ՀՖՖ կայքը:

Հիշեցնենք, որ «Մետալուրգ» վերադառնալուց հետո հայ կիսապաշտպանը ոչ մի պաշտոնական խաղ չանցկացրեց ուկրաինական ակումբի կազմում: Նա հրավիրվել է Հայաստանի հավաքական՝ նախապատրաստվելու պորտուգալացիների դեմ Եվրո-2016-ի ընտրական խաղին:

Ավելի վաղ «Մետալուրգի» գլխավոր մարզիչ Վլադիմիր Պյատենկոն NEWS.am Sport-ի թղթակցի հետ զրույցում նշել էր, որ Մկրտչյանը չի խաղում մարզավիճակի պատճառով, բայց ամեն ինչ նորմալ է ընթանում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։