Եվրո-2016. Սերբիա vs. Ալբանիա. Երկնքից իջած դրոշը՝ բախման ու սկանդալի պատճառ (ֆոտոշարք)
01:11 15 հոկտեմբերի, 2014Ֆուտբոլի Սերբիայի եւ Ալբանիայի հավաքականների միջեւ Եվրո-2016-ի ընտրական փուլի երրորդ տուրի խաղն ավարտվեց մեծ սկանդալով: Բելգրադում ացկացված հանդիպումը դադարեցվեց առաջին խաղակեսի վերջնամասում եւ այլեւս չշարունակվեց:
0:0 հաշվի ժամանակ խաղադաշտի վրա հայտնվել է թռչող սարքից կախված Մեծ Ալբանիայի (ներառյալ Կոսովոն) դրոշը, որը սերբ ֆուտբոլիստները վերցրել են մրցավարին հանձնելու համար, սակայն ալբանացիները փորձել են խլել դրոշը: Սկսվել է հրմշտոց 2 թիմերի ֆուտբոլիստների միջեւ: Դրանից հետո սերբ ֆանատները սկսել են ծխագլաններ նետել եւ, բախվելով ոստիկանների հետ, ներխուժել են խաղադաշտ: Երկրպագուները հարձակվել են նաեւ ալբանացի ֆուտբոլիստների վրա, գրում է Daily Mail-ը:
Հիշեցնենք, որ այդ հանդիպումն անցնում էր առանց հյուրընկալվող թիմի երկրպագուների: 2015-ի հոկտեմբերի 8-ին Ալբանիայում անցկացվելիք պատասխան մրցավեճը կանցնի առանց սերբ երկրպագուների: Սերբիան ու Ալբանիան թշնամական հարաբերություններ ունեն Կոսովոյի պատերազմից եւ անկախացումից հետո: Պատմականորեն սերբական հող համարվող, այժմ անկախ Կոսովոյի բնակչության 90 տոկոսն ալբանացիներ են:
Եվրո-2016-ի ընտրական փուլում սերբերն ու ալբանացիները Հայաստանի, Պորտուգալիայի եւ Դանիայի հավաքականների հետ ընդգրկված են I խմբում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.