Արթուր Աբրահամ. Հնարավորություն կտամ Շտիգլից - Շտուրմ մենամարտի հաղթողին
13:40 28 սեպտեմբերի, 2014Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը բրիտանացի Փոլ Սմիթի նկատմամբ հաղթանակից հետո նշել է, որ սպասում է այդ տիտղոսի նախկին տիրակալ Ռոբերտ Շտիգլիցի եւ Ֆելիքս Շտուրմի միջեւ մենամարտին, որի հաղթողը կհանդիպի իր հետ:
«Սմիթի հետ մենամարտում ներդրեցի մեծ ուժեր. նա շատ ամուր տղա էր: Ցանկանում էի գցել նրան, իսկ հետո ենթարկել նոկաուտի, սակայն չհաջողվեց եւ հաղթեցի մրցավարների միավորներով:
Անհամբերությամբ սպասում եմ Ռոբերտ Շտիգլից - Ֆելիքս Շտուրմ մենամարտին, որի հաղթողին հնարավորություն կտամ պայքարել աշխարհի չեմպիոնի տիտղոսի համար: Աշխարհի չեմպիոնի կոչման համար մենամարտելը հրաշալի է եւ չեմ կասկածում հաղթանակիս: Մինչեւ կարիերայիս ավարտը չեմ բաժանվի WBO վարկածով չեմպիոնական գոտուց»,- Աբրահամի խոսքը փոխանցում է boxingscene-ն:
Հիշեցնենք, որ Գերմանիայի Կիլ քաղաքում անցկացված մենամարտում 34-ամյա Աբրահամը 31-ամյա Սմիթին հաղթեց մրցավարների միաձայն որոշմամբ (117:111, 117:111, 119:109)՝ երկրորդ անգամ պաշտպանելով գերմանացի Ռոբերտ Շտիգլիցից խլած տիտղոսը: Շտուրմի եւ Շտիգլիցի միջեւ մենամարտը կկայանա նոյեմբերի 8-ին Շտուտգարտում: Ավելի վաղ Աբրահամը հայտարարել էր, որ այլեւս չի մենամարտելու Ռոբերտ Շտիգլիցի հետ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.