Հենրիխ Մխիթարյան. Դանիացիները վախեցած էին մեզանից
23:05 7 սեպտեմբերի, 2014Ցանկանում եմ, որ բոլորն այս խաղից հետեւություններ անեն եւ աշխատեն իրենց վրա, հայտարարել է Հայաստանի ազգային հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը, ով Եվրոպայի 2016թ. առաջնության ընտրական փուլի առաջին տուրում դանիացիներից 1:2 հաշվով կրած պարտությունից հետո պատասխանեց լրագրողների հարցրեին:
«Առաջին խաղակեսում շատ հնարավորություններ չունեցանք: Երկրորդ խաղակեսը շատ լավ սկսեցինք: Խփած գոլից հետո կորցրեցինք զգոնությունը եւ բաց թողեցինք գոլեր: Ինչ վերաբերում է վնասվածքիս, կարծում եմ՝ լուրջ բան չկա: Եթե խաղը շարունակելու չնչին հնարավորություն լիներ, ես կանեի դա, բայց չկարողացա: Դանիացիները վախեցած էին մեզանից: Առաջին խաղակեսում նրանք տիրում էին գնդակին, բայց լուրջ գոլային պահեր չունեցան: Երկրորդ խաղակեսում մենք խփեցինք գոլ եւ ունեիք հնավարություններ, բայց չկարողացանք գոլի վերածել դրանք: Ֆուտբոլը 11 հոգու խաղ է: Ես չեմ ցանկանա, որ բոլորը մտածեն, թե ամեն բան կորած է:
Ցանկանում եմ, որ բոլորն այս խաղից հետեւություններ անեն եւ աշխատեն իրենց վրա: Եթե մեկ ֆուտբոլիստ վնասվածք է ստանում, մյուսները պետք է պատասխանատվությունը վերցնեն իրենց վրա: Ցանկացած ֆուտբոլիստ պետք է իրեն ավագ զգա եւ հույսը չդնի մեկ կամ երկու խաղացողի վրա»,- ասաց Մխիթարյանը:
Հիշեցնենք, որ Կոպենհագենի «Պարկեն» ստադիոնում կայացած խաղում Հայաստանի հավաքականը Հենրիխ Մխիթարյանի գոլի շնորհիվ երկրորդ խաղակեսում բացեց հաշիվը, սակայն այնուհետեւ բաց թողեց 2 գոլ:
Վերա Մարտիրոսյան՝ Կոպենհագենից
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.