Լեւոն Արոնյան. Բազմաթիվ հնարավորություններ բաց թողեցինք
10:05 15 օգոստոսի, 2014Մեր ելույթը գնահատում եմ միջին, ասել է շախմատի Հայաստանի հավաքականի առաջատար Լեւոն Արոնյանը։ ՖԻԴԵ-ի երկրորդ համարը մեկնաբանել է թիմի ելույթները Նորվեգիայի Տրոմսյո քաղաքում ավարտված 41-րդ համաշխարհային շախմատային օլիմպիադայում։
«Բազմաթիվ հնարավորություններ բաց թողեցինք։ Ֆրանսիայի հետ անհաջող դիմակայությունից հետո շարունակեցինք նման ոգով։ Ամենասկզբից մեզ բաժին հասան ուժեղ մրցակիցներ եւ հունի մեջ մտնելու ժամանակ չունեցանք։
Դահլիճում շոգ էր, դա էր ամենամեծ խնդիրներից մեկը։ Ի՞նչն ինձ դուր եկավ։ Սիրում եմ բոլոր Օլիմպիադաների տոնակատարությունները եւ այս մեկը բացառություն չէր»,- Արոնյանի խոսքը մեջբերում է Տրոմսյո-2014-ի կայքը։
Հիշեցնենք, որ Օլիմպիադայի եռակի չեմպիոն Հայաստանի հավաքականը 8-րդ տեղը զբաղեցրեց Նորվեգիայում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։