Կլոզե. Ռոնալդոյի համար ցավալի էր տեսնել իմ ռեկորդը
12:50 11 հուլիսի, 2014Ֆուտբոլի աշխարհի առաջնությունների արդյունավետության ռեկորդ սահմանած Միրոսլավ Կլոզեն գովեստի խոսքեր է ասել բրազիլացի լեգենդար հարձակվող Ռոնալդոյի հասցեին: Գերմանիայի հավաքականի եւ Հռոմի «Լացիոյի» 36-ամյա հարձակվողը հուլիսի 8-ին դարձել էր աշխարհի առաջնություններում ամենաշատ՝ 16 գոլ խփած ֆուտբոլիստը՝ մեկ գնդակով գերազանցելով Ռոնալդոյի ռեկորդը:
«Ռոնալդոն արտակարգ ֆուտբոլիստ էր: Իտալիայում խոսում են, որ նա А Սերիայի բոլոր ժամանակների լավագույն խաղացողն է: Ինձ համար Ռոնալդոն ամենակատարյալ ֆուտբոլիստն է պատմության մեջ: Ակնհայտ է, որ նրա համար ցավալի էր Բրազիլիա – Գերմանիա խաղում լինել ստադիոնում՝ տեսնելով, թե ինչպես եմ գերազանցում իր ռեկորդը»,- Կլոզեի խոսքը մեջբերում է Goal.com-ը:
Հիշեցնենք, որ Ռոնալդոն մասնակցել է 3 «Մունդիալների»՝ անցկացնելով 19 խաղ, իսկ Կլոզեն ուժերը փորձում է չորրորդ աշխարհի առաջնությունում, որոնցում մասնակցել է 23 հանդիպման:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.