ԱԱ-2014. Լուիս Սուարեսին սպառնում է 2 տարվա որակազրկում
01:04 25 հունիսի, 2014ՖԻՖԱ-ն հետաքննություն կանցկացնի անգլիական «Լիվերպուլի» հարձակվող Լուիս Սուարեսի՝ Իտալիայի եւ Ուրուգվայի հավաքականների միջեւ ԱԱ-2014-ի երրորդ տուրի խաղում դրսեւորած վարքի վերաբերյալ: Այդ խաղում ուրուգվայցին կծել էր Թուրինի «Յուվենտուսի» պաշտպան Ջորջո Կյելինիի ուսը, սակայն հանդիպման մրցավար Մարկո Ռոդրիգեսը չէր նկատել այդ դրվագը:
«Սպասում ենք խաղի պաշտոնական արձանագրությանը, իսկ հետո կհավաքենք բոլոր անհրաժեշտ նյութերը»,- ընդգծել է ՖԻՖԱ-ի ներկայացուցիչը, փոխանցում է Daily Star-ը:
ՖԻՖԱ-ի կանոնակարգի համաձայն՝ նմանատիպ խախտման համար առավելագույն պատիժը 24 խաղ կամ 2 տարի է:
«Մի քանի անգամ դիտել եմ այդ դրվագը: Անկասկած, Սուարեսը ֆանտաստիկ ֆուտբոլիստ է, սակայն նրա վարքը հերթական անգամ քննադատության տեղիք է տալիս: ՖԻՖԱ-ն պետք է քննարկի այդ գործը եւ պատժի մեղավորին»,- ասել է ՖԻՖԱ-ի մրցավարական կոմիտեի ղեկավար Ջիմ Բոյսը:
Հիշեցնենք, որ Լուիս Սուարեսը նման վարքով աչքի էր ընկել նաեւ 2013-ին կայացած Լոնդոնի «Չելսիի» դեմ Անգլիայի առաջնության խաղում՝ կծելով սերբ պաշտպան Բրանիսլավ Իվանովիչին: Այդ միջադեպի պատճառով նա որակազրկվել էր 10 խաղով:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.