Խորդի Ալբան խոստացել է պոկել լրագրողի գլուխը

09:42   24 հունիսի, 2014

Ֆուտբոլի աշխարհի առաջնության խմբային փուլի վերջին տուրի՝ Ավստրալիայի դեմ խաղից հետո կատալոնական «Բարսելոնայի» եւ Իսպանիայի հավաքականի պաշտպան Խորդի Ալբան մոտեցել լրագրողներին, եւ առանձնացնելով նրանցից մեկին, ասել. «Հաջորդ անգամ կպոկեմ գլուխդ»։

Պաշտպանը սպառնացել է իսպանական AS պարբերականի թղթակցին, սակայն նման քայլի պատճառները դեռ հայտնի չեն, հաղորդում է Goal.com-ը։

Հիշեցնենք, որ աշխարհի եւ Եվրոպայի գործող չեմպիոնները 3։0 հաշվով հաղթել էին ավստրալացիներին, սակայն դուրս մնացել հետագա պայքարից։ B խմբից փլեյ-օֆֆի ուղեգիր են նվաճել Հոլանդիան եւ Չիլին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։